З мэтай папярэджання гібелі людзей ад пажараў і знешніх прычын у Хойніцкім раёне працягваецца праца назіральных камісій у горадзе і сельскіх населеных пунктах, якія штотыдзень ажыццяўляюць комплекс прафілактычных мерапрыемстваў у жыллёвым фондзе.

Пераважная колькасць пажараў адбываецца менавіта ў жылле і найбольшай увагі да сябе патрабуюць сацыяльна ўразлівыя і неабароненныя катэгорыі грамадзян, якія пражываюць на тэрыторыі раёна.

На гэтым тыдні гэтая праца была праведзеная ў населеных пунктах Вялікаборскага, Паселіцкага, Стралічаўскага, Алексіцкага і Судкоўскага сельвыканкамаў. У складзе назіральных камісій працуюць прадстаўнікі ўсіх суб'ектаў прафілактыкі, агульнай задачай якіх з'яўляецца папярэдзіць ўзнікненне надзвычайных сітуацый, растлумачыць людзям, як пазбегнуць бяды.