"ВЯСЁЛКА" - ЧАСОПIС ДЛЯ ДЗЯЦЕЙ 

"Мы, вясёлкаўцы, – аптымісты і рамантыкі, марым пра той час, калі ў кожнай сям’і, дзе выхоўваюцца дзеці, будуць чытаць першы жыццёвы падручнік – часопіс “Вясёлка”. Хочам дачакацца, каб у кожным класе пачатковых школ рэспублікі праводзіліся штомесячна ўрокі “Вясёлкі”, як гэта робяць ужо некаторыя вопытныя настаўнікі. Мы хочам бачыць нашу мілую Беларусь квітнеючай і багатай, а “Вясёлку” – заўжды святочнай. Дарагія бацкі і дзеці, настаўнікі і выхавальнікі, хай у вашым жыцці будзе паболей свят, якія ўпрыгожваюць жыццё, робяць яго натхнёным!"

Уладзімір ЛІПСКІ,
галоўны рэдактар часопіса “Вясёлка”,
лаўрэат Дзяржаўнай прэміі Беларусі.

“БУСЯ” – ДЛЯ МАЛЕНЬКІХ БУСЯНЯТ

"Пра гэта даўно марылі і многія мамы тых хлопчыкаў і дзяўчынак, якіх яны нярэдка ласкава называюць сваімі буськамі, альбо бусяняткамі, і спяшаюцца даць ім сваю пяшчотную “буську”. На самых розных кніжных выставах даводзілася чуць ад мам, каб пісьменнікі як мага больш твораў пісалі на роднай мове для дашкалят. Яны толькі пачынаюць адкрываць для сябе наш непаўторны край, і кожны з іх – ужо маленькі грамадзянін нашай мілай Беларусі. Аднойчы ім давядзецца адчыняць патаемныя дзверцы ў будучы дзень нашай краіны сваім залатым ключыкам."

Даведацца больш поўную інфармацыю пра гэтыя выдатныя часопісы і падпіску на іх, вы можаце, перайшоўшы па гэтай спасылцы: http://www.veselka.by/?cat=37